Os Reis Magos de Oriente visitarán O Milladoiro e Bertamiráns este domingo, 5 de xaneiro, acompañados dunha comitiva real formada por 26 persoas. A recepción real será nos pavillóns do Milladoiro e Bertamiráns. Os Magos de Oriente estarán acompañados de paxes e comparsas, que repartirán 224 quilos de caramelos sen glute aptos para os nenos e nenas que son celíacos. Antes da recepción as súas Maxestades percorrerán as rúas do Milladoiro e de Bertamiráns. Os Reis Magos serán recibidos nos pavillóns coa música que interpretarán os integrantes do grupo de gaitas Os Castros. Hai que destacar que no Milladoiro e en Bertamiráns produciranse cortes de tráfico esporádicos nas rúas polas que pasa a comitiva real con motivo da visita dos Reis Magos.

As súas Maxestades chegarán en tren a ambas as dúas localidades. Estarán no Milladoiro ás 17:00 para iniciar o seu percorrido polas rúas e facer a súa recepción ás 17:30 no pavillón do Milladoiro. O percorrido por Bertamiráns comezará ás 18:00 e rematará ás 18:30 coa recepción no pavillón. Media hora antes de cada recepción abriranse os pavillóns e haberá animación infantil, con música e xogos.

http://www.concellodeames.org/nova.php?noticia=10966&idioma=gl&sec=32

O grupo de baile da Asociación Cultural Os Castros, participará na emisión do programa «Luar» da Televisión de Galicia, que se realizará o vindeiro venres, 27 de setembro de 2013.

No día de hoxe, 30 de agosto de 2013, faleceu o noso compañeiro e amigo David Anta Cacharrón, tamborileiro da «Banda da Asociación Cultural os Castros».
Dende aquí, todos os que formamos parte da Asociación, queremos expresar o noso profundo pesar e transmitirlle a familia e seres queridos o noso máis sinceiro pésame.
Hoxe perdemos a unha persoa que sempre amosaba o seu compromiso e interés polas actividades da Asociación e o seu amor polo tambor, que Descanse En Paz e sempre estará no noso pensar.

Agora podedes escoitar o disco «Terceira Xeración» da Banda de Gaitas da Asociación Cultural Os Castros na nosa páxina web a través do espacio SoundCloud.

Así mesmo, tamén e accesible dende o «noso blog» na nova pestaña do título do disco.

Pódese mercar a través do correo electrónico correo@acoscastros.es, e disfrútalo sin as marcas de audio da grabación «on line».

Na nosa galería fotográfica, temos 25 novas fotos realizadas por Vanessa Pérez Fabeiro.

Podes pinchar en «este enlace» para ir directamente o album no servidor de Picasa.

A Banda de Gaitas da Asociación Cultural Os Castros, tocará o vindeiro 9 de xuño na Andaina Solidaria «NO CAMIÑO POLOS NENOS» do Concello de Ames.

Invitámoste a participar en esta iniciativa do Concello de Ames en colaboración con Cáritas, na que ademáis de poder descubrir un tramo do Camiño de Santiago, poderás colaborar ca entrega de productos de alimentación e hixiene para infancia que se recollerán no transcurso da xornada, ou si non podes acudir, deixandos no propio Concello ou nas oficina municipáis no Milladoiro. Colabora!!!