O vindeiro día 20 de xuño, as seis da tarde, celebraremos na Casa da Cultura de Bertamiráns o Festival de fin de curso da nosa escola. Esta iniciativa anual pretende ser un punto de encontro para o fomento e o impulso da cultura, do noso folklore, e todos están convidados.

No festival participarán tódolos rapaces e rapazas que asistiron as clases durante o curso. O día anterior, o sábado 19, as 11:00 da mañá haberá un ensaio xeral (rematará as 13:00 h), no local social de Bugallido ó que deberán asistir obligatoriamente tódolos alumnos participantes. Pola tarde non haberá clases de gaita nin percusión.

É necesario que o festival comece puntualmente polo que os alumnos deberán estar na Casa da Cultura as 17:30 h., agás os que toquen que deberán estar as 17:00 h.

O remate do festival entregarase un agasallo a tódolos membros da escola e, de seguido, habera´uns pinchos para os participantes e tódolos socios no local social de Bugallido.

Así mesmo, o día do Festival rematarán as clases ata que se inicie o novo curso, no mes de outubro.

Agradecémoslle a súa colaboración e asistencia o Festival e aproveitamos a ocasión para enviarvos un cordial saúdo.

A Directiva

Están publicadas no espació de Picasa da asociación unha partida de fotos da foliada do pasado 6 de xuño 2010.

Podedes acceder para velas no link http://picasaweb.google.com/acoscastros/FestaEFoliadaDo6DeXunoDe2010

¿Queres ter a letra dun bo grupo de cancións populares Galegas? Cancións de sempre, pero que seguro non coñeces a totalidade da sua letra.

Seguro que moitas, sairán na nosa foliada do día 6 de xuño próximo.

Pincha o link e poderás descargar o ficheiro en formato Word listo para imprimir.

Letras de cancións

En este link podes baixar o cartel en formato PDF

Cartel comida e foliada

O vindeiro día 16 de maio, ás seis da tarde, celebraremos no campo da festa de Bugallido o Festival de San Isidro.

No festival participarán tódolos rapaces e rapazas que asistiron ás clases durante o curso. O día 15, as 11:00 da mañá haberá un ensaio xeral (rematará ás 13:00 h.), no local social de Bugallido, o que deberán asistir obrigatoriamente tódolos alumnos/as participantes.

O día 16 pola mañá ás 12:30, haberá unha misa e unha procesión na que teñen que participar tódolos rapaces/as que toquen algún instrumento, acompañados pola banda de gaitas. Deberán de estar no local de ensaio as 12:00.

Ante calquera dúbida poñerse en contacto con Antonio ou Inés.

É necesario que o festival comence puntualmente polo que os alumnos/as deberán estar no local de ensaios as 17:30 h., agás os que toquen a gaita que deberán estar as 17:00 h.

Agradecémoslles as súa colaboración e asistencia o Festival e aproveitamos a ocasión para enviarlles un cordial saúdo.

A Directiva.

O vindeiro domingo 6 de xuño, as dúas do mediodía, celebraremos unha comida no campo da festa de Bugallido. Os prezos serán os seguintes:

§  ALUMNOS: gratis

§  SOCIOS: 15 €

§  ACOMPAÑANTES: 23 €

Tamén será gratuito para os irmáns dos alumnos da escola que teñan menos de 10 anos e non sexan membros.

A partir das 13.00 h. haberá hinchables para os rapaces.

Á tarde continuarán os hinchables e celebraremos unha foliada na que todos os asistentes poderán participar. O remate da xuntanza, se o tempo o permite, haberá festa da espuma.

Para anotarse poden dirixirse a Antonio, o profesor, ou a calqurera membro da Directiva da Asociación. O prazo remata o próximo día 29 de maio.

Asimesmo, aproveitamos a ocasión para confirmarlles que o Festival de Fin de Curso terá lugar o domingo 20 de xuño. Nun próximo escrito, facilitaremos máis información ó respecto.

Animámolos a participar nesta xuntanza e agradecemos a súa colaboración.

Un saúdo.

A Directiva.

Socios e alumnos:

O vindeiro día 27 de marzo  celebraremos no local social de Bugallido unha asamblea xeral, as 18:00 h. en primeira convocatoria, e as 18:30 h., en segunda convocatoria.

A orde do día será a seguinte:

• Lectura da acta da asamblea anterior
• Estado de contas
• Actividades realizadas e futuros proxectos
• Renovación da Xunta Directiva
• Rogos e preguntas

Agradecémos a vosa asistencia e aproveitamos a ocasión para enviarvos un cordial saúdo.

A Directiva

En base a alerta de nivel vermello comunicada pola Dirección Xeral de Emerxencias da Xunta de Galicia, a Asociación Cultural Os Castros decidiu suspender as actividades de ensaio da Escola de Gaitas e Danzas, así coma da Banda de Gaitas e Grupo de Baile para o día 27 de febreiro do 2010 (sábado), querendo evitar deste xeito calquer risco que se poida producir polo temporal anunciado por Emerxencias de Galicia.

Saúdos.

Poñemos os enlaces dos dous periodicos locais que cubriron a presentación do noso disco «Terceira Xeración»

Ambos son do Grupo Correo Gallego e podedes acceder a través destes link’s:

Tierras de Santiago

El Correo Gallego