O vindeiro domingo 6 de xuño, as dúas do mediodía, celebraremos unha comida no campo da festa de Bugallido. Os prezos serán os seguintes:

§  ALUMNOS: gratis

§  SOCIOS: 15 €

§  ACOMPAÑANTES: 23 €

Tamén será gratuito para os irmáns dos alumnos da escola que teñan menos de 10 anos e non sexan membros.

A partir das 13.00 h. haberá hinchables para os rapaces.

Á tarde continuarán os hinchables e celebraremos unha foliada na que todos os asistentes poderán participar. O remate da xuntanza, se o tempo o permite, haberá festa da espuma.

Para anotarse poden dirixirse a Antonio, o profesor, ou a calqurera membro da Directiva da Asociación. O prazo remata o próximo día 29 de maio.

Asimesmo, aproveitamos a ocasión para confirmarlles que o Festival de Fin de Curso terá lugar o domingo 20 de xuño. Nun próximo escrito, facilitaremos máis información ó respecto.

Animámolos a participar nesta xuntanza e agradecemos a súa colaboración.

Un saúdo.

A Directiva.

Socios e alumnos:

O vindeiro día 27 de marzo  celebraremos no local social de Bugallido unha asamblea xeral, as 18:00 h. en primeira convocatoria, e as 18:30 h., en segunda convocatoria.

A orde do día será a seguinte:

• Lectura da acta da asamblea anterior
• Estado de contas
• Actividades realizadas e futuros proxectos
• Renovación da Xunta Directiva
• Rogos e preguntas

Agradecémos a vosa asistencia e aproveitamos a ocasión para enviarvos un cordial saúdo.

A Directiva

En base a alerta de nivel vermello comunicada pola Dirección Xeral de Emerxencias da Xunta de Galicia, a Asociación Cultural Os Castros decidiu suspender as actividades de ensaio da Escola de Gaitas e Danzas, así coma da Banda de Gaitas e Grupo de Baile para o día 27 de febreiro do 2010 (sábado), querendo evitar deste xeito calquer risco que se poida producir polo temporal anunciado por Emerxencias de Galicia.

Saúdos.

Poñemos os enlaces dos dous periodicos locais que cubriron a presentación do noso disco «Terceira Xeración»

Ambos son do Grupo Correo Gallego e podedes acceder a través destes link’s:

Tierras de Santiago

El Correo Gallego

Dende o noso blog, queremos informaros do comenzo do novo curso 2009/2010 tanto da Escola de Danzas así coma da Escola de Gaitas.

Ábrese pois o plazo de mátricula para os alumnos que desexen darse de alta no presente curso.

Podedes ver os horarios no seguinte link:

Tablón de Horarios para o curso 2009/2010

Tamén podedes aceder os formularios de inscripcións nos seguintes enlaces:

Folla de matrícula 2009/2010

Folla de socios 2009/2010

Invitámosvos a que formedes parte do grupo da Asociación Cultura Os Castros no Facebook.

Queremos dende a comunidade do Facebook abrir hacia o mundo a información e as vivencias da nosa asociación

Esperámosvos 

Asociación Cultural Os Castros no Facebook

A Banda de Gaitas da Asociación Cultural Os Castros, que participou na Liga de Bandas de Gaitas na tempada 2008/2009 no segundo grao da Liga, acadou o acceso o primeiro grao despois da celebración da última xornada en Cabeza de Manzaneda.

Podedes ver as clasificacións finais da Liga no seguinte fichero:

Resultados da Liga de Bandas de Gaitas 2008/2009

E podedes ver a a páxina da Federación Galega de Bandas de Gaitas no seguinte enlace:

Federación Galega de Bandas de Gaitas

O día 13 de xuño de 2009 celebrarase o festival de fin de curso do curso 2008/09, estades convidados as 18:00.

Participarán a Escola de Danzas e Gaitas «Os Castros» de Ames, o Grupo Tradicional «O Castro» de Figueiras e a Banda de Gaitas «Os Castros» de Ames.

O domingo 17 de maio 2009, organizado por Centro Cultural A Mahía e ca colaboración do Concello de Ames, celebrarase na Parroquia de Bugallido a festividade de San Isidro.

Pola mañá a Escola de Gaitas dos Castros acompañará a procesión que se fará en conxunto ca celebración da misa cantada en honor o Santo.

Así mesmo pola tarde en torno a seis, tras o partido final de fútbol haberá o certamen de baile rexional coa actuación dos seguintes grupos:

Escola de danza da Asociación Cultural Os Castros acompañada pola Banda e Escola de Gaitas.

Tamén  participarán o grupo do Centro Cultural de Cacheiras, o grupo de baile do Concello de Ames e o grupo de Calo.

Confiamos disfrutedes desta festiva xornada.

O pasado 9 de mayo de 2009, entre un bo número de incondicionais da Asociación Cultural Os Castros, e a presencia do Alcalde de Ames, D. Carlos Fernández, e no incomparable marco do Pazo da Peregrina en Bertamirans, presentouse a sociedade, tal e como estaba anunciado neste medio, o primeiro disco da Banda de Gaitas da Asociación Cultural.

Foi unha xornada lúdica, na que nos acompañou un fantástico atardecer, e na que non faltaron momentos de boa emoción.

A banda interpretou, acompañada en varias pezas de antiguos compoñentes da formación, a totalidade das  que compoñen «Terceira Xeración» que quere ser unha homenaxe para os que de algún xeito formaron e forman parte  da Banda de Gaitas dos Castros.

Momentos de entrañable valor compuxeronse na presentación do disco, coma por exemplo o acompañamiento a percusión do compositor do Pasodoble de Pancho, D. Francisco Rey Sánchez,

ou así mesmo o momento no que os antiguos compoñentes da banda entregaron o seu director, Antonio Sanjiao, unha pandeireta dedicada por todos, quen no mesmo momento utilizou para interpretar as seguintes pezas.

En definitiva, unha inolvidable e festiva xornada de reencontros entre os antiguos e os actuáis compoñentes da Banda que oxalá prolifere en futuros novos discos e traballos futuros.

Parabéns para todos os participantes e acompañantes.