Por ocupación do local de Bugallido para outras actividades da parroquia, o ensaio de gaita e percusión do vindeiro día 8 de marzo de 2014 suspéndese, retormando de modo normal o día 15 de marzo.

De todos os xeitos, podedes recuperar o traballo de ensaio acudindo a calquera das outras ubicacións: venres en Viduido a partir das 21:00, domingo en Trasmonte a partir das 10:00 e luns en Bertamiráns dende as 21:00.

Con motivo das festividades do entroido do ano 2014, os vindeiros 1, 2 e 3 de marzo suspéndense os ensaios en Bugallido, Trasmonte e Bertamiráns.
Desexamos que disfrutedes dunhas boas festas e feliz entroido.

O Venres día 14, non haberá clases de gaita nin percusión xa que esa noite, actúa a banda de gaitas no programa Luar da TVG.

O vindeiro venres, 14 de febreiro do 2014, día de San Valentín, a Banda de Gaitas da Asociación Cultural Os Castros participará na edición do programa «Luar» da Televisión de Galicia.

Recordar a participación do Grupo de Baile poucos meses atrás, sobre a que tendes información e fotografías neste noso «blog» informativo.

Os Reis Magos de Oriente visitarán O Milladoiro e Bertamiráns este domingo, 5 de xaneiro, acompañados dunha comitiva real formada por 26 persoas. A recepción real será nos pavillóns do Milladoiro e Bertamiráns. Os Magos de Oriente estarán acompañados de paxes e comparsas, que repartirán 224 quilos de caramelos sen glute aptos para os nenos e nenas que son celíacos. Antes da recepción as súas Maxestades percorrerán as rúas do Milladoiro e de Bertamiráns. Os Reis Magos serán recibidos nos pavillóns coa música que interpretarán os integrantes do grupo de gaitas Os Castros. Hai que destacar que no Milladoiro e en Bertamiráns produciranse cortes de tráfico esporádicos nas rúas polas que pasa a comitiva real con motivo da visita dos Reis Magos.

As súas Maxestades chegarán en tren a ambas as dúas localidades. Estarán no Milladoiro ás 17:00 para iniciar o seu percorrido polas rúas e facer a súa recepción ás 17:30 no pavillón do Milladoiro. O percorrido por Bertamiráns comezará ás 18:00 e rematará ás 18:30 coa recepción no pavillón. Media hora antes de cada recepción abriranse os pavillóns e haberá animación infantil, con música e xogos.

http://www.concellodeames.org/nova.php?noticia=10966&idioma=gl&sec=32

O grupo de baile da Asociación Cultural Os Castros, participará na emisión do programa «Luar» da Televisión de Galicia, que se realizará o vindeiro venres, 27 de setembro de 2013.

No día de hoxe, 30 de agosto de 2013, faleceu o noso compañeiro e amigo David Anta Cacharrón, tamborileiro da «Banda da Asociación Cultural os Castros».
Dende aquí, todos os que formamos parte da Asociación, queremos expresar o noso profundo pesar e transmitirlle a familia e seres queridos o noso máis sinceiro pésame.
Hoxe perdemos a unha persoa que sempre amosaba o seu compromiso e interés polas actividades da Asociación e o seu amor polo tambor, que Descanse En Paz e sempre estará no noso pensar.